Invitatio ad Cenaculum Familiae Sancti Hieronymi

In situ Familiae Sancti Hieronymi invitatio invenitur ad hujus anni Cenaculum, quod fiet apud Monasterium Visitationis, Mobili, in urbe Alabamae, in Civitatibus Foederatis, a pridie Kalendas Augustas usque ad Nonas Augustas (a 31-7 ad 5-8).  Jam vero bis adfuimus apud monasterium illum, cujus moniales erga nos valde benigne se gesserunt. Brevis autem pellicula ista apud Monasterium Visitationis anno MMXI facta est. 

Nam fortasse non omnes jam sciunt sodales Familiae per Cenaculum non solum Latine orare, sed etiam allocutiones audire et  inter se loqui. Cotidie autem unus saltem sacerdos Missam ritu antiquo offert. Deo volente, adero. Spero autem et plurimos vestri adfuturos.